Teksten Aan de Beurt

Aan de beurt
(muziek en tekst: Peter Philips)

Refrein:
Ich bin aan de beurt, Ich bin aan de beurt
Ich sjtaon un iëwigheid te wachten hie, mer eederein krup veur
Ich bin aan de beurt, Ich bin aan de beurt
en al dat wachten is neet good veur mien humeur

Ich ging lets nao de bekker, joa de bekker op de hook
Ut waor al druk, der sjting ein lange riej
Ich waor mich aaf aan ‘t vraoge: Wil ich sjlagroom op de kook
Doe ging mich al weer eine sjnel vuerbie
Ondanks ut feit dat ich toch hiël geduldig ben
Roop ich noe ech zoë hel als ich mer ken:

Refrein

Ich hub altied al gedruïmd um oëjts Prins Karneval te zeen
Prins karneval jao dat liek mich ech ut einde.
Ich wach noe ongertusje al ein jaor of neugentieen
Ich vraog mich aaf waorum, mer mich vreug geine.
Ondanks ut feit dat ich toch hiël geduldig ben
Roop ich noe ech zoë hel als ich mer ken:

Refrein 2x

Zek jonges jonges loester ens, noe zaet ens effe sjtil
Houd ein minuut de moel en loester aeve
Ich krieg behuurlik doorsj dus wat ich eigelik vraoge wil
Wae is der aan de beurt um eint te gaeve?

Rrefrein

(Rap):
Vier leave in ein wereld die sjteeds sjneller liek te gaon
Dan kump ut vaak slech oet um urges in de wacht te sjtaon
De bekker en de sjlechter, bie de bank en het café
De supermert, het ziekenhoes en auch veur de ww
Vier zulle motte wachte, en dat maak os neet ech bliej
Veer sjtaon os hauve leave lang waal urges in de riej
uiteindelik vreug die juffrouw dich of vreug dich dae meneer:
wae is der aan de beurt?….. hop dao gaon ver weer.

Refrein 2x

Scepter Kwiet
(Muziek: Prince - Tekst: Peter Philips)

Ich bin miene scepter kwiet, Ze hubben um geklaut
Bin miene scepter kwiet, en ut is mien eige fout (ahaha)
Ich moos goan plasse, dus ich ging nao ut toilet
Toen hub ich um effe weg gelag, op ut buffet

Dat ich dit jaor de prins maog zeen is gaaf
Ich roop de ganse daag: Alaaf
Ich hub allein ef-fe-kes neet good op-gelet
Noe is de scepter kwiet, dat is……………….. shit

Ich bin miene scepter kwiet, en ich weit mich geine raod
die van de raod van ellef, nou die zeen ontzettend kwaot (ahaha)
Ze hubben ut mich twintig doezend kiëer, of miëer, verteld
“Jong raak dae scepter mer neet kwieet, want dan kos ut geld”

Dat ich dit jaor de prins maog zeen is gaaf
Ich roop de ganse daag: Alaaf
Ich hub allein ef-fe-kes neet good op-gelet
Noe is de scepter kwiet, dat is……………….. shit

Instrumentaal intermezzo

Ich wil miene scepter truk, want ut is noe leuk gewaes
Zonger dae scepter laup ich geine polonaise (ahaha)
Zonger dae scepter laup ich hie total veur sjut
Ich bin de scepter kwiet en dat ving ich best waal …(hooow!!)
.. neet zoe leuk

Dat ich dit jaor de prins maog zeen is gaaf
Ich roop de ganse daag: Alaaf
Ich hub allein ef-fe-kes neet good op-gelet
Noe is de scepter kwiet, dat is………………..

best waal vervaelend

Fees(t)lift
(Tekst & Muziek: Peter Philips)

De luuj zeen mit hun lief en met hun sjnoet neet gauw tevreeje
Dus wurt er op zien tied ut ein en anger weggesjneeje
Ze wille weer un sjtrakke boek of eine nuuje kop
Zoë oetzeen wie un filmster of wie ein barbiepop

Refrein:
Hey - Mos se noe ens kie-ke
De ganse handel is verbouwt - woë mot dat op lie-ke
Hey - Mos se noe ens zeen
Biste neet bliej mit diene kop - zet dan ein masker op

Doe zuus vandaag de daag bijnao nieks angesj op teevee
Programmas euver facelift, liposuctie en aknee
Van hiële kleine ingreep tot complete renovatie
Veur eeder onvolkomenheid is waal ein operatie

Refrein 2x

Die naas die kint get kleiner, dat vet dat zoeg ver weg
De augen trek ver get omhoeg, die borsjte zet ver recht
Die batse weure get getild die bein dao kent get aaf
Die oëre moage kleiner en de kin wurt biegesjaafd

Refrein 2x

Leef luuj zeet noe ens iërlik, wat maak ut noe toch oet
De sjoenheid zit van binnen, die zit deep onger de hoet
Al leet se dien gezich en gans dien lichaam corrigeren
Dan wilt dat nog neet zegge dat men dich mië geit waarderen

Refrein 2x

Sjoenkele?
(Tekst & Muziek: Wiel Knipa/Peter Philips)

Refrein1:
Kom, sjoenkel 'ns richtig, richtig, richtig, mit os mit.
't Is toch egaal, egaal, egaal weë naëve dich zit ...
Want oad of jonk, krank of gezonk, alles deed mit.
Kom sjoenkel 'ns richtig, richtig, richtig, mit os mit.

Carnaval viere kens te dich liere, kens te dich liere va kinds aaf aan.
Liks te nog werm bie de Mam oppen erm, dan liers te 't sjoen-kele al !
De mam die deit dit, en doe, doe deis mit, doe zings en sjoenkels mit :

Kom, sjoenkel 'ns richtig, richtig, richtig, mit os mit.
't Is toch egaal, egaal, egaal weë naëve dich zit ...
Want oad of jonk, krank of gezonk, alles deed mit.
Kom sjoenkel 'ns richtig, richtig, richtig, mit os mit.

Euvergank

Refrein2:
Al dat ge-sjoen-kel, dao doon viër neet mië aan mit
Ut is os egaal, veer sjtaon veul lee-ver aan ut buffet
Want dat ges-juuf op eine sjt-ool, dat vilt neet mit
Dus sjoenkele veer dees vastelaovend neet mië mit

Karneval viere, kins se dich liere, kins se dich liere van kinds aaf aan
Ich houd van muziek, ving ech alles sjiek, mer kom neet mit sjoenkele aan
Ich krieg pien aan de vot, sjoer alles kapot es ich weer sjoenkele mot

Al dat ge-sjoen-kel, dao doon zie neet mië aan mit
Ut is ze egaal, zie sjtaon veul lee-ver aan ut buffet
Want dat ges-juuf op eine sjt-ool, dat vilt neet mit
Dus sjoenkele veer dees vastelaovend neet mië mit

Al dat ge-sjoen-kel, dao doon viër neet mië aan mit
Ut is os egaal, veer sjtaon veul lee-ver aan ut buffet
Want dat ges-juuf op eine sjt-ool, dat vilt neet mit
Dus sjoenkele veer dees vastelaovend neet mië mit